1 árs aurskriðu-minning !

 Þann 18. desember 2021 var liðið nákvæmlega 1 ár frá því að STÓRA aurskriðan féll og sópaði burtu flestum húsunum 10 í sjóinn.  En til að minnast dagsins var grenitréð sem stóð utan við Silfurhöllina skreytt með seríu og hópur fólks mætti með útikerti og kveikti þar ljós til minningar og í þakklætis skyni að enginn skyldi deyja í þessum hamförum. Janet útbjó líka fallegar teikningar af horfnu húsunum og setti á ljósastikur við tréð.

Jólakaffi í Öldutúni !

Jólakaffi var í Öldutúni í desember og komu allir með litla jólapakka, sem dregið var um og því óvænt hvað úr þeim pökkum kom :)  Við lásum líka jólasögur og brandara og áttum góða stund saman.

 

Bakstur fyrir jólin !

Ég bakaði aðeins 3 smákökusortir og tertubotna fyrir þessi jól, þar sem við erum aðeins 3 þessi jólin og eigum ekki von á gestum í þetta sinn, enda Covid aldrei verið verra hér á landi en núna.

Jólamessum og næstum öllum samkomum aflýst til öryggis.

Þetta verða þá róleg og friðsæl jól hjá okkur :)

 

Jólahlaðborð á Hallormsstað !

 Restin af ferðasjóði Gullversmanna var notuð til að fara á jólahlaðborð á Hallormsstað. Við meira að segja gistum þar, þó ansi væri kalt í herberginu sem við fengum, en höfum upplifað það verra :)         Það var óvænt ánægja að hitta Villu vinkonu og Fúsa um morguninn, en þau höfðu snætt í öðrum sal en við kvöldið áður !

Veðurstöð Seyðisfjarðar við höfnina !

 

https://www.weatherlink.com/.../4bfd1f74613745859.../summary