Sveitaferðirnar !

Við heimsóttum tóbaksekrur og fleiri athyglisverða staði í einni ferð en síðasta ferðin var sjóferð til að snorka á fiskislóð og heimsækja tamda höfrunga sem léku listir sínar. Að lokum snæddum við risasstóra humarhala sem gaman var að smakka einu sinni :)

Skoðunarferðir um Kúbu

Það er margt að sjá á Kúbu sem er ólíkt lífinu hér heima á Fróni og við vildum sjá sem mest á þessum stutta tíma sem við höfðum og fórum því í 4 ferðir. Fyrsta ferðin var borgarferð um Havana og heimsókn í vindlaverksmiðju. Svo fórum við aðra ferð til að skoða heimili Ernest Hemingways og sáum ýmislegt á leiðinni, bæði ríkidæmi og fátækt. Að sjálfsögðu fórum við á Byltingartorgið og skoðuðum Kristsstyttuna stóru við fyrrum heimili Che Guevara.

Vikuferð til Kúbu !

Það er ekki daglegt brauð að skreppa í langferðir, hvað þá yfir 5 tímabelti eins og við gerðum þegar við flugum til Kúbu þann 23. febrúar s.l. Þar tók á móti okkur notalegur hiti og sumarveður, en einnig mikil fátækt, óreiða og betl sem erfitt er að hafa í kringum sig til lengdar, án þess að gera eitthvað róttækt, sem líklega er erfitt á þeim slóðum.
Myndir segja oft meira en þúsund orð, svo ég læt hér nokkrar slíkar af mannlífinu og bílaflotanum sem er sannkallað fornbílasafn í Havana. Við keyptum okkur tíma bæði í fótknúnum farkosti og gömlum fallegum fornbíl, greiddum gjald fyrir myndatökur, ýmist í peningum, sælgæti eða penna/blíöntum sem við tókum með okkur.

Viskubrunnur 2015

Hin árlega spurningakeppni Seyðisfjarðarskóla, VISKUBRUNNUR var haldin eftir Þorrablót og urðu úrslitin ekki svo óvænt. Það er alltaf gaman að fylgjast með hvernig gengur og um leið að styrkja unga fólkið sem er að safna fyrir skólaferðalaginu sem elstu bekkingar fá að fara í áður en skyldunámi þeirra lýkur hér heima.

Þorrablótið 2015

Þorrablótið 2015 fór fram með glæsibrag að vanda, fyrstu helgi í Þorra.
Skemmtiatriðin voru óvenju brosleg án þess að meiða mikið :)
Við sleppum ennþá við að lenda í næstu nefnd, þó það geti verið mjög gaman, þá er það líka tímafrekt og bindandi um tíma.

Slóð á Húsvíkinga ;)

https://www.youtube.com/watch?v=Yy__QUehRQ8&feature=share

Góð vísa eftir Sigurlín Hermannsd. sem ég fann á Boðnarmjöð.
Hún passar svo vel þegar þegar okkar íslenska veðrátta er leiðinleg ;)

Nú er úti rok og regn
raunar fátt sem gleður.
Alveg er það mér um megn
að mæra svona veður.

Slóð á gamlar Húsavíkurmyndir sr. Arnar Friðriks

http://www.husmus.is/index2.php…

Önnur myndaslóð á Ljósmyndasafn Rvk !

http://ljosmyndasafn.reykjavik.is/fotoweb/Grid.fwx

Slóð á gamlar ísl. ljósmyndir :)

https://www.flickr.com/photos/reykjavikmuseumofphotography/with/8090400543/

Jólin 2014

Þessi jól voru að sumu leyti óvenjuleg. Veðrið var mjög gott og fallegur jólasnjór, en mikil hálka, en bannsett pest geysaði og við lögðumst öll flöt hvert á eftir öðru með tilheyrandi lystarleysi, svo ekki var mikið borðað hjá okkur þessi jólin !  -    Christmas 2014 in Seydisfjordur with our granddaughter Nina Björg and her parents :)

Suðurferð fyrir jólin !

                                                           Our granddaughter Nina Björg

                                                    My sister became a grandmother :)

                                            The eruption at Holuhraun in November !

Við brugðum okkur suður mánuði fyrir jól, því mörg erindi áttum við, enda ekki komið suður síðan í fyrravetur. Systir mín var nýorðin amma en einkadóttir hennar var að skíra sitt fyrsta barn. Við versluðum auðvitað jólagjafir og hittum flesta ættingja og marga vini, auk þess sem við sáum eldgosið í Holuhrauni á leiðinni heim. Það leit nánast út eins og uppljómaður bær eða borg :)

                               The volcano in Holuhraun in the end of November 2014.

Sérstakt myndband !

http://www.hun.is/litli-drengurinn-sem-hefur-lifad-adur-heimildarmynd/

Slóð á gamlar Íslandsmyndir

http://samlinger.natmus.dk/?q=island

Árlegir flækingar !

Það er árlegt að hingað komi nokkur hópur flækingsfugla á haustin og eru það oft sömu tegundir, þ.e. svartþrestir, hettusöngvarar, glóbrystingar, gráhegrar, gráþrestir o.fl.

Undanfarið hafa ofannefndir fuglar mætt og verið mislengi. Það tekst ekki alltaf að ná myndum af þeim öllum, en oftast nær maður hluta þeirra á mynd.

Hér eru bæði karl og kvenfugl hettusöngvara og svartþrasta en að auki mætti stari sem er að vísu ekki flækingur á landsvísu, en hann er sjaldséður hér.

Slóðir á gamlar myndir frá USA

http://www.shorpy.com/
http://vefir.pressan.is/utlond/2014/11/07/gleymdur-timi-frabaerar-ljosmyndir-fra-bandarikjunum-fyrir-1914/

Frí frá vinnu á kvennafrídaginn !

Það var fullt hús á Hótel Öldunni á kvennafrídaginn 24. okt. 2014 og mörg stutt erindi flutt. Margt hefur áunnist s.l. öld en betur má ef duga skal, því enn eru launamálin ekki í lagi og svo ólaunuðu störfin á heimilum sem lenda oftar en ekki á kvenþjóðinni...!

Slóð á uppskriftir úr þara !

http://www.blurb.com/books/5695514-fjorefni-ur-fjorunni

Skottúr til Húsavíkur

Það hefur staðið til nokkuð lengi að Rúnar færi í aðgerð á hægri hendinni, því lófakreppan sem hefur verið að versna hjá honum s.l. 30 ár, var orðin slæm og tafði hann og hindraði við vinnu.
Á sama tíma ákvað Bergþór okkar að skreppa norður til Húsavíkur með fjölskylduna og hitta okkur þar og drifum við Siggi okkur tímanlega þangað, því veðurspáin var ekki beint góð. En þá kom babb í bátinn, því veikindi stoppuðu Bergþór og co og ég sjálf vaknaði þegjandi hás og kvefuð norðan heiða og sá að ég færi ekki í heimsóknir svona á mig komin. Við kvöddum því Húsavík eftir stuttan stans og héldum aftur austur og tókum þátt í Haustroðanum sem stóð einmitt þessa helgi og vorum með 3 gesti frá Húsavík sem komu á Bocciamót fatlaðra hér í bæ. Það var skemmtilegt að Kiddi Óskars gamall kunningi frá Húsavík skyldi vinna mótið og Seyðfirðingar voru fyrsta flokks gestgjafar :)

Fallegt sólarlag og kvöldverður í Skálanesi !

Á Haustroðanum í fyrra vann ég gistingu og kvöldverð í Skálanesi. Við ákváðum að nota kvöldverðarboðið en sleppa gistingunni, a.m.k. í bili. og drifum okkur eitt fallegt haustkvöld. Á leiðinni blasti sólin við gul og rauð í gasskýi frá eldgosinu í Holuhrauni og alls ekki hægt að sleppa því að festa það á filmu/kubb :) Við áttum svo notalega kvöldstund með Bjarka Borgþórs og nokkrum ferðalöngum sem voru þar staddir !

Danska prinsateppið - uppskrift !

https://www.facebook.com/pages/KAL-danska-prinsateppi%C3%B0-me%C3%B0-Prj%C3%B3na-J%C3%B3nu/231948783539347

Frásögn og myndir frá Arnanesi

http://ahb.is/thar-lyftist-land-heimsokn-i-arnanes-kelduhverfi/

Snilldar ljóð eftir Kristján Hreinsson

ÞÁ VEISTU ÞAÐ

Að skoða stöðugt hvert þú ætlar ekki
sem eilíf þraut mun huga þínum reynast.
Ef óttinn þína sál fær sett í hlekki,
þá sérðu vart hvar tækifærin leynast.

Að geta stefnu fundið fótum sínum
mun farsæl lausn á brautum lífsins vera,
því skaltu geyma von í vösum þínum
og vita hvað þig langar til að gera.

Þú rýna skalt í augnabliksins anda
þá öllum spurningum mun hjartað svara.
Ef þráir þú að viskan leysi vanda
þá veist þú kannski hvert þú ert að fara.

Slóð á gamlar Seyðisfjarðarmyndir í Sarpinum

http://sarpur.is/Leit.aspx?search=Sey%C3%B0isfj%C3%B6r%C3%B0ur&filter=255&typeID=0

2 slóðir á sönglög sem við erum að læra :)

http://www.youtube.com/watch?v=2UGhliE3FGQ

https://www.youtube.com/watch?v=rJGahpt1-GU

Uppskerutíminn !

Eftir að við komum heim úr siglingunni, þá var ég í kapphlaupi við tímann, við að bjarga í hús eins miklu af berjum og sveppum og ég gæti, því maður veit jú aldrei hvenær veður breytist til hins verra og enn verra ef það færi að gjósa og aska breyddist yfir allt.

Að sigla með Norrænu !

Við vorum óskaplega heppin með veður á siglingunni frá Íslandi til Færeyja, þrátt fyrir þoku alla leiðina og áfram til Danmerkur í blíðu. En á bakaleiðinni frá Hirtshals til Þórshafnar var leiðindaveður, svo ferjan hjó illa í sjóinn og fáir voru á ferli um borð. Við nutum þess að vissu marki, þar sem við vorum ekki sjóveik og höfðum nóg pláss hvar sem við kusum að sitja um borð. Við hittum og spjölluðum við ýmsa, bæði Íslendinga og útlendinga og reyndum að njóta þess að slappa af á þessari löngu siglingu. Mér tókst t.d.að lesa 2 bækur á hvorri leið og alls 5 bækur á þessum hálfa mánuði, sem er óvenju gott miðað við það sem ég les að jafnaði hér heima. En síðasta siglingin frá Færeyjum og heim var nokkuð góð og Seyðisfjörður tók á móti okkur með sól og blíðu og fullri höfn af ferðafólki sem beið ferjunnar :)