Við heimsóttum dóttur okkar og barnabörn í Noregi og vorum dugleg að skoða nýja staði og heimsækja ættingja og vini. Tíndum líka heilmikið af bláberjum og nutum dvalarinnar. En flugið til Íslands tók 3 sólarhringa, vegna þess að Icelandair vélin sem við áttum að fara með heim, bilaði og allt varð stopp !
Seyðfirðingar tóku sig til og efndu til friðsamlegra mótmæla gegn fyrirhuguðu laxeldi hér í firðinum, sem 75% íbúa er alfarið á móti. Við mættum ásamt fjölda fólks og mynduðum þessi orð og dróni sendur á loft til að mynda þessi þöglu mótmæli. Vonandi hefur þetta jákvæð áhrif og hindrar yfirganginn sem okkur hefur verið sýndur hingað til...
Unnið hefur verið nær alla daga í sumar við snjóflóðavarnargarðana ofan við Ölduna og mikill hávaði og ónæði af þess völdum, ekki síst þegar sífellt er verið að bora og sprengja klettana. Svo hefur bærinn verið fullur af ferðafólki flesta daga í sumar, enda 1-3 skip hér daglega með þúsundir farþega. Vonandi verður þetta ekki svona á hverju sumri næstu árin, þá verður óverandi hér til lengdar, því miður :(
Mér var boðið í heimsókn í Jónshús, en þangað hafði ég aldrei komið inn fyrir dyr og fékk að ganga um allt og skoða, en hafði því miður enga góða myndavél meðferðis. Þarna mátti sjá margt gamalt og forvitnilegt dót og veggmyndir sem gaman hefði verið að eiga afrit af :)
Bogi og Hanna komu austur í sumar og við drifum þau með okkur upp á Hérað til að skoða m.a. Dalahellir og Háreksstaðavígið og heilsuðum upp á Gísla í Dölum í leiðinni...
Rúnar fékk þá bræður Ingvar og Jón Arnór til að hreinsa svolítið til í heimkeyrslunni og til stóð að gera betur, en hefur ekki ennþá komist í verk að skipta um jarðveg og leggja slitlag þarna eins og þarf...
Fornleifauppgröftur ofan við Fjörð hófst aftur í byrjun sumars og hefur gengið vel, því mikið hefur fundist af alls konar perlum og fleiri smáhlutum á svæðinu í sumar og mun ekki klárast í ár !
Eins og árlega var ruslatínsludagur hér á Seyðisfirði og þá tíndum við marga fulla poka og fylltum kerru á vegum bæjarins. En aðra daga tíndum við líka rusl eins og við höfum gert á hverju vori s.l. ár...
Þröstur mágur setti upp ljósmyndasýningu af dýralífinu í Namibíu og nágrenni og við drifum okkur suður á húsbílnum og hittum þar stóran hluta af Namibíu ferðahópnum og var það mjög gaman. Svo nutum við samveru með barnabörnunum og heilsuðum uppá helstu ættingja og vini áður en við héldum aftur heim á leið...
Við skruppum til Húsavíkur áleiðis til Rvk, til að fara á ljósmyndasýningu Þrastar af dýralífinu í Namibíuferðinni okkar og slógum auðvitað lóðina í leiðinni...
Árlegur sóknarnefndarfundur í kirkjumiðstöðinni á Eiðum var á sínum stað og ég næstum búin að gleyma honum :)
Illgresið hringum kirkjuna var orðið óþolandi mikið, svo við Dodda tókum okkur til og hreinsuðum það mesta og versta framan við kirkjuna og ég tók svo beðin við runnana og veitti ekki af....
Í lok maí var Rúnar aftur kominn á fullt í golfinu og fór með Mikka flesta morgna í golfkaffi og síðan í æfingahring með Bogga um völlinn...
Í kringum 20 maí, tókum við Rúnar upp rússneskan strák, Roman Sokolof sem vantaði gistingu og fékk hann að vera hjá okkur í nokkrar nætur, á meðan hann kláraði það verkefni sem hann vann við.
Það hefur tvisvar gerst nú í vor, að hagamýs hafa vakið óskipta athygli okkar. Í fyrra skiptið fór ein þeirra inn í fóðurbúr smáfuglanna og borðaði þar fuglafóður ásamt Glóbrystingi og Þresti. En í seinna skiptið kúrði mús á gangstéttinni þar sem sólar naut um stund og flúði ekki þó ég kæmi nærri henni og tæki nokkrar myndir, hún hefur trúlega verið veik greyið, aðra skýringu kann ég ekki ?
Það bætist hér enn í hóp flækinga og einn sem við höfum ekki séð hér áður er lítill fiskiörn sem er kallaður "Gjóður" á íslensku. Svo mættu hér 2 Brandendur eins og gerst hefur áður.
Undanfarnar vikur hafa streymt bæði flækingar og farfuglar til landsins og við höfum fengið óvenju marga flækingsfugla í heimsókn og ætla ég að setja hér myndir af þeim helstu 💗 Ég hef svo oft sett hér inn myndir af Svartþröstum, gráþröstum og fleiri flækingum, svo ég læt þessa nægja að sinni...
https://endtimemanna.org/magnusson/Rutherford.htm
https://heimaslod.is/index.php/Kraftaverki%C3%B0_Gu%C3%B0laugur_Fri%C3%B0%C3%BE%C3%B3rsson
Halldóra Theodórsd. móðursystir mín lést snögglega á nýársdag 2023 og var jarðsett 13. janúar. Við vorum svo heppin að geta rennt norður að útförinni, því veður og færð var með besta móti miðað við árstíma. Á sama tíma var sú dapurlega frétt orðin staðreynd, að Gurrý dóttir hennar væri alvarlega veik af krabbameini og ekkert hægt að gera henni til hjálpar. Því miður gat hún ekki verið viðstödd útför móður sinnar, því hún lenti óvænt inn á Akureyrarspítala með blóðtappa. Það leið síðan aðeins rúmur mánuður þar til hún lést, þann 22. febr. á 90 ára fæðingardegi Alla pabba hennar. Útför hennar fór síðan fram 3. mars á fæðingardegi Guðrúnar ömmu okkar og nöfnu hennar. Við vorum aftur heppin og gátum skroppið norður að útför hennar, þó erfitt sé alltaf að upplifa slíkar kveðjustundir. Ég var sú eina af mínu fólki sem gat farið norður í bæði skiptin ❤
