Wednesday, April 29, 2020
Meira bakað þessa Covid 19 vikur !
Þar sem enginn samgangur er á milli fólks á þessum síðustu og verstu vikum/mánuðum, nema í mesta lagi spjall í verslunarferðum og á rölti um bæinn, þá hefur maður meiri tíma heima og vegna veðurs hef ég oft dundað við að baka meira en ég hef gert s.l. ár. Það helsta er Bananabrauð, muffins, pönnsur, vöfflur, hafraköku og svo páskatertan :)
Ný rafmagnshjól
Á sumardaginn fyrsta var Rúnar búinn að splæsa í ný rafmagnshjól handa okkur í staðinn fyrir gömlu ryðguðu hjólin okkar. Þau hafa reynst vel og mikill munur að geta nú skroppið út fyrir bæinn og upp brekkurnar, sem við lögðum ekki í að hjóla á gömlu hjólunum.
Monday, April 20, 2020
Sunday, April 19, 2020
Monday, April 06, 2020
Kórónaveiran (Covid 19) sem fyrst greindist í Kína, hefur nú tröllriðið mannkyninu í 3 mánuði og þúsundir manna látist víða um heim (þó aðeins 4 Íslendingar þegar þetta er ritað 6. apríl 2020.)
Við Rúnar höfum verið hér heima og lítið farið nema í búðir. Þó skrapp hann suður í eina viku til að passa barnabörnin fyrir Bergþór og Hildi, en ég var hér heima að passa hænurnar fyrir Önnu og Guðna sem voru stödd á Kanarí á sama tíma. En allir voru reknir heim og flestir eru í einangrun til öryggis, sérstaklega fólk á elliheimilum og spítölum o.s.frv....
Við Rúnar höfum verið hér heima og lítið farið nema í búðir. Þó skrapp hann suður í eina viku til að passa barnabörnin fyrir Bergþór og Hildi, en ég var hér heima að passa hænurnar fyrir Önnu og Guðna sem voru stödd á Kanarí á sama tíma. En allir voru reknir heim og flestir eru í einangrun til öryggis, sérstaklega fólk á elliheimilum og spítölum o.s.frv....
Monday, March 23, 2020
Saturday, March 21, 2020
Gamlar bækur og tímarit í Öldutúni
Við Sonia á Bókasafninu fluttum allar gömlu bækurnar úr Steinholti niður í Öldutún (nema þær sem við neyddumst til að henda, ástarsögur + nokkrar skáldsögur) og þar getum við og aðrir sem koma þangað sótt okkur lesefni að vild :)
Kafsnjór og ótíð !
Það rættist sannarlega að Öskudagur á 18 bræður, því veðráttan var hundleiðinleg í nokkrar vikur á þessu tímabili og Covid19 - kínaveiran (kórónaveiran) hefur verið að hrella jarðarbúa síðan í lok janúar, þegar fyrst fréttist af henni. Austfirðingar hafa sloppið vel hingað til, engir veikir ennþá, þó margir séu í sóttkví heima, eftir dvöl erlendis. Ég passaði hænsnin fyrir Önnu og Guðna á meðan þau skruppu til Kanarí, en sú dvöl varð stutt og snubbótt og nú dvelja þau í heimasóttkví :(
Vetrarfuglarnir eru líka sísvangir og nóg að gera við að fóðra þá greyin alla daga og moka snjó....
Vetrarfuglarnir eru líka sísvangir og nóg að gera við að fóðra þá greyin alla daga og moka snjó....
Wednesday, February 19, 2020
Friday, February 14, 2020
Vont veður um allt land !
S.l. sólarhring hefur allt snúist um djúpa lægð sem er á leið yfir landið með miklu hvassviðri og úrkomu. Víða hafa orðið skemmdir, þó minna en búast mátti við, vegna góðs undirbúnings.
Við hér eystra höfum sloppið nokkuð vel, hér er alvanalegt að fá svona vetrarveður, þó að sunnlendingar hafi oft sloppið vel.
En í gærkvöld var List í ljósi hér í bæ (flýtt um sólarhring vegna vondrar veðurspár) og læt ég nokkrar minningamyndir frá þessu friðsæla kvöldi fljóta hér með !
Við hér eystra höfum sloppið nokkuð vel, hér er alvanalegt að fá svona vetrarveður, þó að sunnlendingar hafi oft sloppið vel.
En í gærkvöld var List í ljósi hér í bæ (flýtt um sólarhring vegna vondrar veðurspár) og læt ég nokkrar minningamyndir frá þessu friðsæla kvöldi fljóta hér með !
Tuesday, February 04, 2020
Rúnar enn í uppskurð !
Það gengur á ýmsu í lífinu, en misjafnt hvernig heilsa fólks er. Rúnar minn hefur fengið sinn skerf af uppskurðum um æfina og enn bættist við ein aðgerð, því hann stíflaðist alveg og ældi því litla sem hann gat borðað. Jón Sen læknir á Norðfirði skar í burtu samgróninga og lagaði fleira sem ekki var í lagi, en bataferlið hefur tekið lengri tíma en við reiknuðum með. Vonum samt að þetta sé á lokametrunum, svo hann fari að komast heim 🔃
14.02.2020. Nú er vika síðan ég sótti minn mann til Norðfjarðar og hefur honum heilsast vel síðan !
14.02.2020. Nú er vika síðan ég sótti minn mann til Norðfjarðar og hefur honum heilsast vel síðan !
Sunday, January 26, 2020
Risjótt tíð en lítill snjór !
Á hverju hausti árum saman hefur mig dreymt fyrir veðráttu komandi vetrar.
Í haust dreymdi mig draum sem ég þýddi á þann veg, að veturinn framundan yrði snjóléttur.
Hingað til hefur þetta ræst, þó tíðin sé búin að vera óvenju risjótt og umhleypingasöm.
Ýmist er jörð hálf auð en inn á milli hellist yfir hvít snjóþekja sem veldur leiðinda hálku þegar snjórinn bráðnar :(
Í haust dreymdi mig draum sem ég þýddi á þann veg, að veturinn framundan yrði snjóléttur.
Hingað til hefur þetta ræst, þó tíðin sé búin að vera óvenju risjótt og umhleypingasöm.
Ýmist er jörð hálf auð en inn á milli hellist yfir hvít snjóþekja sem veldur leiðinda hálku þegar snjórinn bráðnar :(
Jólablómið !
Fyrir og um hver jól blómstra nóvember- og jólakaktusarnir og oft hef ég að auki keypt jólarós eða önnur blómstrandi jólablóm. Fyrir jólin 2018 keypti ég rauða Riddarastjörnu (lauk) sem blómstraði svo fallega 2 stönglum um hátíðarnar. Ég bjóst ekki við að þetta endurtæki sig að ári, en varð mjög glöð þegar það gerðist, þó það væri ekki fyrr en í lok jólanna. Þá bætti laukurinn um betur og kom með 5 blóm á annan stilkinn og 6 blóm á þann síðari, en slíkt hefur aldrei gerst í þá áratugi sem ég hef átt Riddarastjörnulauka. Þegar best lætur koma 4 blóm á hvern stilk !
Tuesday, January 14, 2020
Saturday, January 04, 2020
Monday, December 30, 2019
Jól sunnan heiða !
Það var löngu ákveðið að dvelja eina viku um jólin í Reykjavík og nágrenni. Rúnar fékk leigða rúmgóða íbúð í Mánatúni 3 og þangað mættu Jóhanna okkar og fjölskylda ásamt okkur Rúnari og Sigga B. Bergþór og fjölskylda borðaði svo með okkur nokkra daga og við áttum góðar stundir saman.
Á Aðfangadagskvöld snæddum við kalkún sem Mo eldaði hjá Bergþóri og co...
Barnabörnin fjögur, Adam, Sumaya Rós, Nína Björg og Þorsteinn Darri :)
Við gamla settið með alla okkar afkomendur og tengdabörnin tvö...
Göngutúr út á Laugarnesið var hressandi og veðrið nokkuð gott !
Við skelltum okkur með 3 afkomendur á sýninguna Fly over Iceland og líkaði vel :)
Harpa mágkona hélt fjölskylduboð hjá Ellu + co, í tilefni af 60 ára afmæli hennar...
Monday, December 09, 2019
Flækingsfuglar á fóðrum !
Það er árlegt að fá hingað erlenda flækingsfugla sem lenda í vindasömum lægðum og enda hér á landi. Það eru sem betur fer, býsna margir sem hafa gaman af að fylgjast með þeim og fóðra þá. Hér má sjá nýjustu flækingana hjá okkur, en það eru 2 gráhegrar, nokkrar silkitoppur, 2 gráþrestir og svartþrestir, auk litlu hettusöngvaranna. Þeir eru misfrekir á fóðrum og hver við annan, nema gráhegrar sjá um sig sjálfir og veiða silung úr ánni eða fisk við sjóinn.
Annar Gráhegrinn...
2 af Silkitoppunum sem eru hér
Einn af svartþröstunum.... karlfugl
Hettusöngvarafrú !
Annar freki gráþrösturinn !
Subscribe to:
Posts (Atom)