Hilla móðursystir mín lést á Húsavík á nýársdag og var jarðsett föstudaginn 13. janúar. Veður var gott og fært norður, þannig að við ákváðum að skella okkur af stað kvöldið 12. jan og gekk ferðin vel. Við þurftum hinsvegar að moka okkur inn í Hlíð, því tröppurnar voru yfirfullar af klaka og snjó sem hafði hrunið af þakinu ofan á þær. Okkur tókst að hreinsa þær og notuðum tímann til að gera ýmislegt áður en við mættum í útförina og í kirkjugarðinn. Ég tók myndir með leyfi frá Sidda frænda. Loks fórum við í kaffi í Hlyn og hittum þar marga og mikið spjallað. En loks af stað aftur austur síðdegis, því enn var fært og veður skaplegt, svo allt gekk vel og heim komum við um kl 20 á föstudagskvöldinu.
Þess má geta að Gurrý fékk blóðtappa og lenti til Akureyrar þess vegna og Svenni sagði okkur að Guðný Anna hefði líka fengið blóðtappa nýlega, svo þær frænkur eru báðar á síðasta snúningi, því miður ❤
No comments:
Post a Comment