Hauststörfin hafin !

Það var óvenju snemma sem hægt var að tína aðalbláber hér að þessu sinni. Ég var byrjuð nokkru fyrir verslunarmannahelgi og hef síðan borðað daglega ný bláber, ýmist með ís eða í bananahræring. Er líka búin að frysta hátt í 20 kg af aðalbláberjum til vetrarins og blandaða berjasaftin og rabbarbarasaft er til í lítravís í frystikistunni. Spurning hvort ég bæti við rifsberjahlaupi eða saft, því nóg er af rifsberjunum ?
Mikið af sveppum eru líka í boði og aðrir jarðarávextir og gróður með betra móti. Grænmetið hefur t.d. sjaldan sprottið jafn vel hjá mér og núna, ekki síst spínat og salötin... Ég fékk hinsvegar lítið af jarðarberjum, því ég endurnýjaði beðið í vor og því allt frekar seint á ferð þar á bæ. En á móti fékk ég loksins slatta af hindberjum úr gróðurhúsinu og meira af sólberjum en áður í uppáhaldssultuna mína.

Fleiri gestir !

Þröstur mágur og Birna ásamt Eiríki syni þeirra komu hér í byrjun ágúst og stoppuðu í nokkra daga. Við skruppum með þeim út í Skálanes í kvöldblíðu, en eitthvað fórst fyrir hjá mér að taka myndir við heimsókn þeirra.
Síðan fékk ég skilaboð frá gamalli skólasystur sem var stödd hér í tilefni af afmæli hennar og vinkonu hennar. Við hittumst og skruppum saman í berjamó, sem var óvænt gaman.
Loks komu svo hér íslensk hjón sem búa í USA, til mín á bókasafnið í leit að myndum frá Vestdalseyri. Konan, Inga Dóra Björnsd. er rithöfundur og ég búin að lesa 2 af bókunum hennar. Það sem meira er, ég hef þekkt systur hennar í áratugi og kannast því við fjölskyldu hennar, svo úr varð heilmikið spjall sem leiddi til þess að ég sagði henni frá konu hér í bæ (Sigríði Matthíasd.) sem er að skrifa og safna heimildum um íslenskar konur sem fóru til vesturheims. Þá vildi svo til að þær þekkjast vel, enda báðar að skrifa um svipað efni. Þær hittumst því að lokum og áttum saman góðan dagpart...!

http://www.gettyimages.com/photos/%22ralph-morse%22?excludenudity=true&family=editorial&mediatype=photography&page=67&phrase=%22ralph%20morse%22&sort=mostpopular

https://www.google.com/culturalinstitute/beta/asset/iceland/mQHOMbk6Hz_CjA

Slóðir á gamlar myndir !

https://www.google.com/culturalinstitute/beta/search?q=ralph+morse+iceland

Bergþór og fjölskylda...

Bergþór og fjölskylda hans komu austur áður en Siggi fór til Noregs með eldri barnabörnin okkar. Við áttum góðar stundir saman þessa fáu daga, en síðan dvöldu Bergþór + co í viku til viðbótar.
Við héldum upp á 1. árs afmæli litla prinsins, Þorsteins Darra og börnin voru ótrúlega góð að leika sér saman þessa daga. Þegar rigndi þá var pússlað, perlað og horft á barnaefni m.m.
Verst var að veðrið var ekki nógu gott alla dagana, en það hefði líka getað verið verra !

Barnabörnin í heimsókn !

Við tókum 2 elstu barnabörnin okkar með til Íslands frá Noregi. Þau dvöldu hér hjá okkur í 2 vikur, en fóru þá með Sigga móðurbróður þeirra aftur út til Noregs. Allt gekk vel bæði hér heima og ferðirnar, þó vissulega væru ýmsar tafir sem þreyta fólk á öllum aldri....
Yngri barnabörnin 2 komu líka í heimsókn áður en dvöld þeirra eldri var á enda...!

Helgarheimsókn til Osló

Þröstur bróðir Rúnars býr með fjölskyldu sinni í Osló og við eyddum annarri helginni með þeim feðgum (Þresti og Eiríki), en aðrir meðlimir fjölskyldunnar voru á ferðalagi, m.a. á Íslandi.
En við skruppum m.a. í skemmtigarð með börnin og áttum góða helgi saman.

Harpa heimsótt til Stavanger !

Við skruppum til Stavanger í 3ja daga heimsókn til Hörpu mágkonu og fengum mjög góða daga þar og gátum skoðað ótrúlega margt á þessum stutta tíma. Sigldum út í dásamlega fallega blómeyju sem er vinsæl meðal ferðamanna og ókum inn í þrönga dali, skoðuðum söfn, gamalt munkaklaustur, dómkirkjuna og röltum um gamla bæinn í Stavanger og m.fl.

Ferð til Norge !

Við höfum heimsótt Jóhönnu dóttur okkar og fjölskyldu árlega, síðan þau fluttu til Noregs fyrir rúmum 5 árum. Þau eru núna búsett á 3ja staðnum frá því við komum til þeirra fyrst. Þar sem þau eru núna má finna nokkra aldagamla grafhauga frá víkingatímanum og það er stutt til Gardemoen flugvallar og sá galli fylgir að flugvélahávaði er daglegt brauð alla daga.  Þrátt fyrir það er mikið fugla og dýralíf í kringum þau. Hjartardýr hafa þau laðað heim með brauðgjöfum og sama má segja með alla fuglana sem eru þar daglega, að ógleymdum dásamlegum fiðrildum sem halda þar til. Ég var hinsvegar ekki eins hrifin af því að vera vakin kl 6 á morgnana af krákum sem gogguðu í gluggana til að biðja um meira brauð....!
En myndir segja meira en nokkur orð og ég læt þær tala.....

Slóð á gamlar myndir !

http://billedarkiv.mfs.dk/fotoweb/Grid.fwx?archiveId=5000&SF_LASTSEARCH=nordfjord&SF_FIELD1_GROUP=1&SF_GROUP1_BOOLEAN=and&SF_FIELD1_MATCHTYPE=exact&SF_FIELD1=seydisfjord&SF_SEARCHINRESULT=0&SF_GROUP1_FIELD=&SF_GROUP2_BOOLEAN=and&SF_GROUP2_FIELD=FQYFT&SF_FIELD2_GROUP=2&SF_FIELD2_MATCHTYPE=exact&SF_FIELD2_BOOLEAN=and&SF_FIELD2=&SF_FIELD3_MATCHTYPE=exact&SF_FIELD3_BOOLEAN=and&SF_FIELD3_GROUP=1&SF_FIELD3=&doSearch=Go

Óbyggðasafnið í Fljótsdal

Á sunnudaginn skruppum við ásamt kórmeðlimum og fleira starfsfólki kirkjunnar upp í Egilsstaði í Fljótsdal, þar sem nýja Óbyggðasafnið var skoðað. Það reyndist fróðleg og skemmtileg ferð, sem endaði síðan í matarveislu á Skriðuklaustri. Rúnar var bílstjóri í þessari ferð og ég gleymdi myndavélatöskunni í bílnum, en fékk hana sem betur fer aftur !

Snögg ferð til Húsavíkur

Við Rúnar renndum snögga ferð til Húsavíkur fyrir síðustu helgi, til að líta eftir húsinu okkar þar og gera við það sem mest lá á að gera. Rúnar setti nýtt handrið á tröppurnar, ég sló garðinn og klippti niður Hansarósina. Svo kíktum við í nokkrar heimsóknir og settum blóm á leiðið hjá pabba og mömmu og ýmislegt fleira smálegt að vanda og vorum mjög heppin með veður !

Myllusteinar í görðum hér í bænum !

Ég hef lengi verið forvitin varðandi gamlar kornmyllur á Íslandi og leitað mynda og upplýsinga um þær, en lítið fundið og furðað mig á því. Svo datt mér í hug að skoða betur gamlar upplýsingar í "Búkollu" og fann þar heil ósköp af myllutilkynningum hér á Austurlandi. Það kom mér skemmtilega á óvart. Líklega hafa verið a.m.k. 5 myllur hér í Seyðisfirði og þar af eru fundnir steinar úr 4 þeirra, í misgóðu ástandi. Tveir vel með farnir steinar eru hér í garði frá Brimnesi og 2 extra stórir steinar eru nú komnir inn í Fjarðarsel eftir langa útiveru hér við rafstöðina. Loks eru svo nokkrir steinar hér í öðrum görðum, í misgóðu ástandi, en heilir samt.

Góðir gestir, vortónleikar og fleira...!

Tíðin hefur verið óvenju góð í allt vor og 1. júní er allt orðið grænt. En í maí voru ýmsir viðburðir í gangi, m.a. vortónleikar Tónlistarskólans. Svo fékk ég heimsóknir góðra gesta og meira að segja hreindýrin komu hér alveg niður að rafveitunni dag eftir dag í blíðunni :)

Sumarið komið eða hvað ?

Dagatalið segir að sumarið sé komið og vissulega var síðasta vika góð, en góða veðrið endaði í gærkvöld, á Hvítasunnu og í morgun var ísköld norðan gjóla. En ég hef verið að hreinsa garðinn, endurbæta ræktunarbeðin og setja niður útsæði, gulrótarfræ og jarðaberjaplöntur og allt komið undir akríldúk að venju. Svo krossa ég bara fingur og vona það best. Blómin eru líka farin að blómstra í garðinum og Rúnar og Siggi búnir að setja gróðurhúsið aftur saman eftir illviðri vetrarins !!!

Fingra- JÓGA á þessari slóð...

http://kvon.is/2016/05/06/hun-thrystir-a-baugfingur-med-thumlinum-og-heldur-utkoman-er-otruleg/