Erindi um frú Pálínu (eldri) Waage !

Sigríður Matthíasdóttir sagnfræðingur sem ritað hefur um vesturfarakonur, hélt erindi um Pálínu Waage eldri og sagði frá ferð hennar til Ameríku og viðskiptadugnaði hennar og fjölskyldu hennar, en í hennar tíð var lítið um að konur væru jafn vel menntaðar og hún og virkar í atvinnulífinu.
Þar sem ég varð til þess að segja Sigríði frá Pálínu og kynna henni málið, þá mætti ég að sjálfsögðu ásamt meira en tug manna og kvenna.

Viskubrunnur 2018

Hin árlega spurningakeppni VISKUBRUNNUR fór fram í febrúar. Keppnin var hörð undir það síðasta og lauk með naumum sigri liðsins frá Frumkvöðlasetrinu. Lið Skálaness varð nr. 2 og lið frá Afli varð nr. 3.

Smá stopp hjá afkomendunum !

Á leið okkar til og frá Kanarý, gistum við hjá Bergþóri okkar og hans fjölskyldu og nutum góðra stunda með þeim, þó veðrið væri óttalega leiðinlegt og lítið hægt að fara út úr húsi. Fórum samt með þeim á fimleikaæfingu og fleira :)

2 vikur á Gran Canaria 2018

Þriðjudaginn 6. febrúar flugum við Rúnar öðru sinni saman til Gran Canaria og dvöldum á hótel Rondo í 2 vikur. Vorum vel staðsett, stutt frá Jumbo Center og miðsvæðis. Gengum mikið, sérstaklega fyrri vikuna, því hún var sólarlítil og óvenju svöl með norðanvindum. En seinni vikan var hlýrri og sólríkari og þá hægt að fara úr síðbuxum og flíspeysum.
Við fórum í nokkrar skoðunarferðir, mest á eiginum vegum, m.a. til Mogán og Las Palmas en það var Karnival í Las Palmas og mikið um að vera og markaðsdagur í Mogán og blíðuveður á báðum stöðum.  Fórum einnig að skoða einstakt frumbyggjasetur sem staðsett er á hæð rétt utan við Playa del Ingles. Smökkuðum þar rautt blóm af kaktus sem er mjög hægðalosandi ef maður borðar mörg blóm. Mikið þar um fugla og dýr og allt mjög snyrtilegt.
Einnig fórum við í fjallaferð með fararstjórum og vorum mjög heppin með veður í öllum þessum ferðum. Stutta sveitaferð fórum við líka, en þá var ansi kalt og lítið til að skoða.
Hittum líka mikið af fólki sem við þekktum, bæði Húsvíkinga, Seyðfirðinga og fleiri og notuðum tímann býsna vel, enda lítill tími sem fór í sólbað og nóg að skoða ef maður nennir því :)

Slóðir á mannshvöf Íslendinga s.l. öld

https://www.facebook.com/groups/280312688715642/?multi_permalinks=1621669247913306&notif_id=1519338721374526&notif_t=group_activity&ref=notif

Kaldur vetur !

Það hefur snjóað og rignt mikið í vetur og verið óvenju kalt og hálka á götum, svo við erum orðin þreytt á þessari veðráttu, myrkri og kulda og algjöru sólarleysi í 4 mánuði.
Hlökkum því til að geta skroppið aðeins í vetrarfrí í sólina, þó jafnvel þar sé kalt miðað við árstíma.
Það runnu líka 2 snjóskriður úti á Strönd, án þess að skemma nokkuð, sem betur fer !

Slóð á viðtöl við Seyðfirðinga...

https://www.ismus.is/i/person/uid-7b1b6c32-fb3d-41f9-9f4e-a1f1f26f85f7

Slóð á danska myndasafnið í K-höfn

http://samlinger.natmus.dk/search?q=sey%C3%B0isfj%C3%B6r%C3%B0ur

Slóð á afmælisgrein þríburanna frá Svínadal

https://www.mbl.is/greinasafn/grein/574837/

Slóð á Hjartastein

https://www.youtube.com/watch?v=R9Tcw-_SrcA

Þessi mynd var að mestu leyti tekin á Borgarfirði eystri og einnig hér á Seyðisfirði og víðar !

Slóð á silfurfægilög - heimatilbúinn !

http://www.ruv.is/frett/odyr-leid-til-ad-faegja-silfrid

Slóð á vídeó frá Húsavík

https://www.youtube.com/watch?v=Jv6ZXxPjfQA

Vetrarbirgðir af kjöti !

Við keyptum í haust vetrarbirgðir af kjöti, heilan sauðaskrokk af Sigga á Dvergasteini og hálft folald af Eindísi skólasystur. Báðir skrokkarnir voru alltof feitir, ég skar full vaskaföt af fitu af þeim og geymi handa krumma sem vetrarfóður. Einnig náði Rúnar í nokkra pakka af fiski í kistuna, svo hún er nánast full, því ég var búin að safta svo mikið í haust og tína mikið af bláberjum til að eiga í frosti, enda borða ég bláberjahræring á hverjum morgni og verður gott af því !

Jólin 2017

Það var fámennt hjá okkur þessi jólin, enda við Rúnar ein heima ásamt Sigga okkar.
Við leyfðum okkur að vera löt og fórum lítið nema í jólakaffi til Binnu og Magga og vorum svo að dunda okkur við púzzl, ýmsar þrautir, lestur og fleira. Auðvitað skype-uðum við líka við Jóhönnu, Bergþór og þeirra fjölskyldur og horfðum smávegis á sjónvarp, þó það sé lítið spennandi....

Rúnar í viðgerðir !

Rúnar lenti í því að hjartað í honum fór að ganga aðeins á hálfu afli og var því sendur suður með sjúkravél og beint í aðgerð, þar sem settur var í hann hjartagangráður. Það tókst vel og allt virtist gróa og virka eins og til stóð. En hann þarf í aðra aðgerð í janúar, til að gera við kviðslit (í 3ja sinn) sem ég vona að gangi jafn vel, svo vetrarfríið okkar í febrúar verði jafn gott og vonir standa til :)

Músaveiðar !

Það hefur verið friður fyrir músum hér s.l. 2 ár, eftir að Rúnar setti vírnet undir alla klæðninguna á húsinu. En s.l. vikur hafa þær fundið aftur leið inn á háaloftið og ein komst í bílskúrinn þegar hurðin fauk þar upp í vondu veðri. En við náðum þeim öllum (13 stk. alls) og Rúnar ók með þær flestar út á Strönd, en þær sem drápust fékk krummi til umráða. Til varnar frekari inngöngu úðaði Rúnar klór kringum allt húsið og síðan hefur engin mús látið sjá sig, nema utan dyra, þar sem nóg virðist af þeim og ég sé þær oft að ná sér í bita af fuglafóðrinu :)  Reyndar náði ég einni utandyra í dag, en það stóð stutt, því sú stutta smaug úr greip minni og hljóp snöggt upp handlegginn á mér og stökk svo uppað skúrveggnum, þar sem hún slapp niður í holu. En ég hefði viljað eiga þennan flótta hennar á myndbandi :)

Jólafuglinn Glói !

Einn Glóbrystingur hefur haldið til hjá okkur í margar vikur og annar hefur haldið til á Múlaveginum hjá Heiðari. Einnig eru hér 3 gráþrestir, nokkrir svartþrestir og skógarþrestir. En mesta fyrirferðin er í dúfunum sem éta næstum allt frá snjótittlingunum sem koma aðeins þegar allt er á kafi í snjó. Máfarnir eru líka farnir að mæta í brauðafgangana og krummi fær sína fitubita dagalega og nágranninn æðarkollan kemur líka flesta daga og vill fá sitt :)

Kafsnjór !

Það hefur snjóað heil ósköp í nokkrar vikur og nú er allt komið á kaf og endalaus snjómokstur og fóðrun fugla tekur líka heilmikinn tíma, enda margir svangir munnar !

slóð á snjómokstur !

https://www.sfk.is/is/umhverfi/snjomokstur

Síldarvinnslan 60 ára !

Öllu starfsfólki Síldarvinnslunnar var boðið í afmælisveislu til Gdansk í Póllandi. Við vorum þar úti í 3 nætur og nýttum tímann vel. Fórum í skoðunarferðir, bæði á söfn og um gamla bæinn. En gistum á Sheraton hóteli í Sopod, sem er strandbær Gdansk og þar var veislan haldin fyrir 530 manns. Hún var vel skipulögð og glæsileg og mesta undrun mín var að hitta þar Siggu Beggu og Finnboga :)
Ekki má gleyma því að Rúnar minn átti líka 65 ára afmæli þarna ytra, 1. des. og við fórum með Gullvershópnum út að borða það kvöld og þeir Jónas voru kvaddir með virktum eftir áratuga samstarf við marga í hópnum.

Leikskólabörn á ný í heimsókn !

Leikskólabörn hófu svo komu sína á safnið  þegar vetraði og hefur gengið áfallalaust sem betur fer.
Vonandi verður svo áfram, væntanlega fram undir vor ? 

Brúin loksins lagfærð !

Eftir flóðin miklu í sumar, var nánast ófært yfir "brúna" á Dagmálalæknum í nokkra mánuði. Það var ekki fyrr en vetur var genginn í garð sem gröfur og fylgdarlið mættu og útbjuggu nýtt og myndarlegt ræsi undir veginn yfir lækinn. Við notuðum auðvitað efri löngu leiðina (Hlíðarveg-Múlaveg) á meðan.

Uppskeran !

Haustverkin í garðinum voru ekki jafn markviss að þessu sinni og verið hefur undanfarin ár.
Af einhverjum ástæðum var gulrótaruppskeran lítil að þessu sinni, en kartöfluuppskeran góð.
Einnig fengum  við nokkra hvítkálshausa og jarðarber, sólber, rifsber og slatti af hindberjum voru á sínum stað.
Einnig var nóg af Aðal-bláberjum og krækiberjum, sem ég tíndi nóg af og saftaði hálf fulla frystikistu.

Slóð á Druslurnar hennar Bjargar í Lóni

https://www.facebook.com/messages/requests/t/benedikt.h.hermannsson?notif_id=1512830821565823&notif_t=message_request

Kosningavísur Fjólu Einars 2017

Á þingi sitja yfir sex
sundurleitir flokkar.
Setjið ekki við þá X,
þeir skerða launin okkar.

Lífið er hverfult, 
því lánið það er valt.
Þeir lofa öllu fögru,
en svíkja svo allt.

Aftur á bak og út á hlið,
í allsnægtum sér velta.
Moka mat í eigin kvið,
meðan aðrir svelta.

En komi hendi
og fái þessu breytt,
þeir gætu orðið öreigar
sem ekki eiga neitt.

Slóð á gömul handverk í Ástralíu !

https://www.youtube.com/channel/UCAL3JXZSzSm8AlZyD3nQdBA/videos

Ismus.is - Slóðir á viðtöl við...

Jóa Sveinbjörns;
https://www.ismus.is/i/interview/id-204
og Ingu Hrefnu;
https://www.ismus.is/i/interview/id-205

Berjaát skógarþrastanna !

Skógarþrestirnir eru búnir að vera í kappflugi/hlaupi við að éta upp öll rifsberin hjá okkur undanfarnar vikur og eru nú komnir í reyniberin sem loksins eru orðin rauð og þroskuð.
Það er gaman að fylgjast með þeim í þessu mikla áti fyrir flugið langa suður á bóginn :)

Fallegt sólsetur fyrir norðan !

Þrátt fyrir regnið fyrir norðan, þá fengum við fallegt sólsetur og góðan dag á Húsavík, áður en við fórum aftur austur...

Vinnuferðir norður !

Við erum búin að fara 2 vinnuferðir norður í Bjarmaland í ágúst og september, til að setja upp sólarsellu og inniljós í fyrri ferðinni, en straumbreyti og fleira í þeirri síðari. Við fengum rigningu í bæði skiptin en þó var frekar hlýtt í veðri. En engan silung fengum í matinn, kíllinn var tómur og lítið vatn bæði þar og úti í Hafursstaðavatni...   Gangnafólk var þarna  á ferðinni í seinna skiptið.