Við drifum okkur til Húsavíkur í smá vinnuferð, fyrst að Didda + Rúnar gátu ekki komið norður í þakvinnuna. Rúnar kláraði að setja upp nýtt útiljós og viftuna á háaloftið. En ég sá um að slá lóðina og snúast við ýmislegt að vanda. Heimsóttum líka Villu + Fúsa í nýju íbúðina þar sem Guðný Ragnars býr. Eiríkur systursonur Rúnars og Rebekka dóttir hans komu og gistu hjá okkur í Hlíð, en þau voru áður búin að vera hjá okkur á Seyðisfirði, en Auður var í gönguferð uppi á fjöllum.
Eftir óvenju sólríkt og hlýtt sumar er mikið um ber hér í kring og því fórum við að tína þau, mest aðalbláber, en einnig bláber og krækiber. Ég bjó bæði til saft og sultu og frysti heilmikið. Fórum síðan að tína hindber og hrútaber á Hallormsstað og loks sveppi eftir að fór að rigna, svo nú er vetrarforðinn orðinn nægur. Skessujurtin er líka komin í krúsir en ég á eftir að taka upp kartöflur og gulrætur sem fá að bíða aðeins. Paprikur og tómata hef ég innan húss, en jarðarber + sólber utandyra.
Það var viss áhætta að halda sumarhátíðir víða um land vegna þess hve Covid veiran hefur verið erfið og fljót að breiðast út. LungA sumarhátíðin var samt haldin að venju og bærinn fylltist af ungu fólki. Það óhjákvæmilega gerðist auðvitað, einhver gestanna kom með Covid og það var upphafið að nokkrum smitum hér í bænum (þau fyrstu hér það ég best veit). En sem betur fer fór þetta vel og þeir fáu sem smituðust sluppu með skrekkinn, enda held ég að flestir bæjarbúar hafi verið að passa sig, sem betur fer...
Þar sem til stendur að byggja snjóflóðavarnargarða neðan við Bjólfinn, þá var ráðist í að rannsaka gamlar húsarústir ofan við Fjörð og á Mylluholtinu. Gekk það vel í blíðunni undanfarið. Ég skrapp og skoðaði framkvæmdirnar á báðum stöðunum... Þegar uppgreftri var að ljúka í lok sumars, þá rákust þau á bátskuml með beinagrindum manns og hests og framlengdu því uppgröftinn sem orðin er mjög merkilegur frá upphafi landnáms að því er virðist og gaman verður að frétta meira af því .... ?
Þeir aðilar sem unnu við að byggja upp varnargarða fyrir ofan byggðina við sunnanverðan bæinn, eiga heiður skilið fyrir hve vel það hefur tekist hjá þeim. Við Rúnar gengum einn sólskinsdaginn eftir þeim og ég tók nokkrar myndir. Hér má sjá sýnishorn af þeim...
Tíðin undanfarnar 3 vikur hefur verið einstaklega góð, sól meira og minna alla daga og lítil úrkoma, enda hefur fjölgað mikið í firðinum, bæði ferðafólk í heimsókn og farfuglar fjölgað sér svo um munar.
Einn kemur þá annar fer segir máltækið og það hefur oft gengið eftir eins og núna, þá hittist svo vel á að Ella og Árni komu stuttu eftir að Bergþór og co fóru suður. Veðrið hélt áfram að vera einstaklega gott og við nutum þess svo sannarlega saman... röltum m.a. að skoða uppgraftarsvæðin ofan við Fjörð og við Mylluholtið. Borðuðum á Lárunni í sól og hlýju og hittum ýmsa brottflutta Seyðfirðinga og heimafólk !
Vikuna 1.-8. júlí 2021 dvöldu Bergþór, Hildur, Nína og Þorsteinn hjá okkur. Helga mamma Hildar kom líka með þeim, en fór suður aðeins á undan þeim. Veðrið var eins gott og hugsast getur þessa daga, sól og hiti daglega og börnin nutu þess að vera frjáls og fá að sulla úti í garði í þessu góða veðri... Siggi var í vinnufríi og naut samverunnar með bróður sínum og fjölskyldu, enda alltof sjaldan sem þeir hittast núorðið...
Við fórum líka upp í Hallormsstað og víðar með þeim þessa daga og nutum veðurblíðunnar og samverunnar <3
Daginn eftir að við komum að norðan, flaug Harpa mágkona austur og gisti hjá okkur eina viku, enda eru Atli Örn og fjölskylda stödd hér líka. Veðrið var óvenju gott og við fórum í gönguferðir og bíltúra til að nota blíðuna. Hún skrapp líka með Binnu á Norðfjörð og við Rúnar vorum dugleg við garðvinnu og þrífa gluggana að utan og fleira. Ókum henni svo í flug í morgun og bíðum eftir að Bergþór og co mæti austur til okkar eftir 3 daga....
Við Rúnar skruppum norður til Húsavíkur 16.-20. júní og Didda systir og Rúnar hennar komu líka norður. Við slógum lóðina og hreinsuðum vel og gerðum ýmislegt, þó veðrið hefði mátt vera betra. Kíktum líka í heimsóknir m.a. í afmæli Sigrúnar og til Guðnýjar Ragnars. Einnig fór ég með sumarblóm í kirkjugarðinn og við fórum öll út að gatanöf o.fl...
https://www.ruv.is/sjonvarp/spila/gonguleidir/31656/9dskkj?fbclid=IwAR02Wv7r7yTx6Me28FJ1ybxdkqfhJ-cW8B6hje8B4GXYx9uhqBi82xFvIPE
http://sjomannadagurinn.is/sjomannadagsbladid/?utm_medium=Email&utm_source=Zenter-System&utm_campaign=%2390552+%3D%3E+Sj%C3%B3mannadagsbla%C3%B0i%C3%B0+2021&utm_content=da4bf02782a556acd50d5b1d9376a2aa5426bee6
https://filmcentralen.dk/museum/island-paa-film/film/husavik?fbclid=IwAR16Hwy3Dj_YmEKgBehOORzTuZJP0pRCYbrprSVRp-gBM3-4OxBU62eBX-8
Við ákváðum að drífa okkur suður í tæpa viku m.a. til að passa barnabörnin okkar einn daginn og úr varð að við fórum fimm saman að sjá eldgosið í Geldingadölum. Gönguleiðin var nokkuð löng og strembin á köflum, en það var fyrirhafnarinnar virði og mjög sérstakt að sjá eldgos í svona miklu návígi. Við vorum boðin í mat til Helgu Bjargar og svo í fjölskylduveislu hjá Ellu + Árna. Við ókum norðurleiðina suður (og gistum á Húsavík) en fórum suðurleiðina heim og sáum þá gæf hreindýr, fleiri hundruð Helsingja við Jökulsárlónið og síðast en ekki síst, mórauða tófu á veginum nærri Höfn.
https://www.ahb.is/throsturinn-syngur/?fbclid=IwAR1WoB4rvzXtWO0TF7Lo6I3SYzHVc3D-v014f3R__VgNYGftHlpMLmz7szY
https://avibase.bsc-eoc.org/species.jsp?lang=IS&avibaseid=E16B2C0328E05DC5&fbclid=IwAR0kJZkh8LxRZI3mO1cdGD21jqmbLI-ihJKor9sMVwO43ubF6OSeMXf2x4Q
https://flickr.com/photos/56541100@N00/with/2207512508/
http://www.640.is/is/frettir/ferd-til-egyptalands-i-mars-2006
Þar sem ekki mátti halda páskamessur, varð ofaná að taka upp kórsöng og senda út netmessu heldur en ekkert og slóðin sett inn á Sf-vefina. Ég eins og fleiri hlustaði auðvitað og tók minningamyndir og rak þá augun í það að enn og aftur virðist ég ósýnileg í sumum hópum, sú eina sem ekki er nafngreind ?
Þar sem Covid veiran hefur enn heljartök á mannkyninu og þrátt fyrir góðan vilja til að vernda Ísland með takmörkuðum aðgangi að landinu, þá slæddust smitaðir einstaklingar til landsins og dreifðu veirunni, svo bannað var að halda veislur, fermingar og messur um páskana og veðráttan var í stíl við þetta allt, hljóp úr sól og 15 stiga hita í mismikið frost, hríð og hvassviðri. Grágæsir, Tjaldar og Skógarþrestir eru komnir auk flækinganna sem áður voru komnir með djúpum lægðum frá Evrópu. Þeir eiga miserfitt í þessari ótíð og við reynum að bjarga því með matargjöfum sem vonandi duga þeim flestum.... Á páskadag mætti háhyrningur í fjörðinn, trúlega að elta bráð í sjónum....?
