Ferming og páskar o.fl...

Sex ungmenni voru fermd hér á Skírdag og fór ljómandi vel fram að venju.
Gwen Le Pigeon frá Berlín sem unnið hefur hér á HSA í vetur hélt kveðjutónleika í kirkjunni, en hún er góður söngvari og gítarleikari og mjög yndæl í viðkynningu.
LungA hópurinn sem var hér eftir áramótin hélt sýningu uppi á gamla spítala hjá Þóru og tóku vel á móti gestum.  Páskarnir runnu sitt skeið að vanda, að mestu í rólegheitum, þó úrkoma væri talsverð og ófærð á fjallvegum, svo ekki gátum við skroppið norður eins og hugur stóð til.
Síðast en ekki síst notuðum við góða veðrið á föstudaginn langa til að tína saman plastrusl á Vestdalseyri og nágrenni, en nóg er af því hér í fjörunum, því miður og hefur versnað með árunum :(

Vorið á næsta leiti !

Það er greinilega stutt í vorið, því nú streyma farfuglarnir til landsins. 

Fyrstir komu Tjaldarnir og svo Straumendurnar á Fjarðarána.

Svo mætti einn ungur grænlenskur fálki um borð í Gullver og

síðast en ekki síst þá kom aftur blendingsönd sem var hér s.l. sumar ásamt Mandarínkarli. 

Þá var ég ekki mikið að spá í hvurs lags önd þetta væri, en sá núna að hún er örugglega blendingur af grænhöfðaönd og einhverri annarri önd. Fuglafræðingar sem fengið hafa myndina til skoðunar telja að hitt foreldrið hafi annað hvort verið Rauðhöfðaönd eða Mandarínönd.

Maski sem á að virka á hrukkur !

http://frettanetid.is/berdu-thetta-a-thig-einu-sinni-i-viku-og-hudin-verdur-10-arum-yngri-myndband/

Fornleifar !

http://www.visir.is/telur-vorduna-illthurrku-vera-hringgrof-ur-heidni/article/2016160318777

Slóð á svæðanudd !

http://frettanetid.is/hun-var-stressud-kvidin-og-alltaf-med-hofudverk-thangad-til-hun-gerdi-thetta/

Vorið á næsta leiti ?

Í blíðunni undanfarið hefur sólroðinn á himninum verið sérlega fallegur en bleytan hefur hinsvegar valdið nokkrum smá skriðum. Loksins var drifið í að skipta um þak á gamla bakaríinu sem komið var á síðasta snúning. Listaháskólanemar settu upp sýningu í Skaftfelli og skipin okkar, Gullver og Norræna mæta vikulega í bæinn eins og venjulega :) 

Allt lifnar við með hækkandi sól !

Nú er stutt í jafndægur og mikill munur á lengd dagsbirtunnar auk þess sem sólin er farin að skína þegar heiðskýrt er. Blómin lifnuðu auðvitað við og keppast við að blómstra og fræ sem ég setti niður voru komin upp eftir 2-3 sólarhringa. Síðast en ekki síst þá hefur hlýnað mjög í veðri og asahláka hefur eytt meirihlutanum af snjónum í bænum undanfarna viku. Það er mikill munur og laukar og brumhnappar eru komnir af stað. Vonandi sleppum við bara við vond vorhret eftir þetta.

Fuglafréttir á nýbyrjuðu ári :)

Þó ekki sé mikið um flækinga hér á vetrum, þá líður þó aldrei sá vetur að ekki sjáist nokkrir slíkir og sumir halda til hér stóran hluta vetrar. T.d. Glóbrystingar sem eru árlegir gestir. Einn mætti hér í vetur og hefur haldið til á Múlaveginum hjá Heiðari Þorsteins. Fastagestir eru gráþrestir og svartþrestir sem mæta daglega í fóðrið sem við berum út daglega á meðan snjór hylur jörðu. Einnig bjargdúfur og snjótittlingar sem eru hér allt árið. Einn stari var hér um tíma í vetur, þeir eru flækingar hér, þó þeir séu algengir á suðvesturhorni landsins. Rjúpur mæta líka í bæinn þegar allt er á kafi í snjó.

Ísmáfur er hinsvegar sjaldséður gestur hér á landi, en einn slíkur kíkti í heimsókn og Rúnar náði nokkrum myndum af honum. Hér má sjá hann ásamt ungum ógreindum máf sem er heldur stærri og heldur til hér allt árið. Svo mætti hér lómur sem var vankaður, líklega eftir árekstur og rataði ekki til sjávar, svo við tókum að okkur að flytja hann á réttan stað. Einnig villtust nokkrir svartfuglar á land, kannski á flótta undan veiðimönnum ? Loks má nefna einn nágranna okkar sem farinn er að sjást nokkuð oft, þ.e. músarindill, sem aldrei er kyrr og stoppar stutt, svo erfitt er að ná myndum af honum. En það hefur samt tekist nokkrum sinnum í seinni tíð :)

Hreindýrin enn við bæjardyrnar !

Hreindýrin, líklega hátt í 100 stykki, hafa haldið til hér í firðinum í allan vetur. Þeim fjölgar ár frá ári og eru búin að skemma ansi mikið af lerkitrjánum hér í fjallshlíðunum. Stundum eru þau alveg niður í bæ og um tíma héldu þau til á túninu utan við Brattahlíðina.
Og nú er sólin aftur farin að sjást hér hjá okkur eftir 4ra mánaða fjarveru og það er þess virði að halda uppá það með sólarkaffi eins og árlega er gert hér um slóðir !

List í Ljósi - Fagnað komu sólarinnar !

Ungt fólk á Seyðisfirði (líklega flest tengd LungA)  stóð fyrir ljósahátíð hér dagana 19. og 20. febrúar. Á laugardagskvöldinu 20. var aðal viðburðurinn mikið og vel unnið ljósa"show" á framhlið kirkjunnar okkar. Einnig voru ýmiss konar ljósaviðburðir um allan bæ og gaman að fara á milli og sjá þá flesta. En á föstudaginn var m.a. kyrjað á gamlan hefðbundinn íslenskan hátt og var ég viðstödd æfingu um morguninn, en missti svo af öllu vegna vinnu eftir hádegið.
Nokkur sýnishorn fylgja hér með til minningar :)

Viskubrunni 2016 lokið !

Hin árlega keppni Viskubrunnur, sem grunnskólinn sér um til fjáröflunar fyrir skólaferðalög elstu bekkinga skólans, hefur verið í gangi s.l. vikur en lauk nú á þriðjudaginn 16. febrúar.
Sigurvegarar voru Skálanesmenn, sem sigruðu líka í fyrra og voru að vonum ánægðir með að halda titlinum. Leikskólakonur voru í öðru sæti og Lions í 3ja sæti.

Síldarárin á Raufarhöfn

Skráð viðtöl við heimamenn á slóðinni; http://www.hac.is/wp-content/uploads/2013/06/sildararin-skyrsla.pdf

Þorrablótið 2016

Hið árlega þorrablót var haldið laugardaginn 23. janúar með pompi og prakt. Salurinn var óvenju skemmtilega og fallega skreyttur og skemmiatriðin óvenjuleg og alveg ágæt og allt fór vel fram að vanda. Við lentum í næstu nefnd ásamt ýmsu góðu fólki og heyrðist mér að það væru Eva og Márus sem sætu uppi með foringjahlutverkin ....!

Fuglafánan í kringum okkur, áramótin 2015-16

Sá árlegi atburður gerðist að fallegur lítill glóbrystingur mætti í bæinn í upphafi nýs árs og gladdi okkur fuglavinina. Gráþrestir, svartþröstur og nokkrir skógarþrestir hafa verið fastagestir í mat hjá okkur s.l. mánuði og nú bættist líka við einn stari sem er mjög sjaldséður hér.
Vikuna sem mesti snjórinn var, þá mættur rjúpurnar líka hér niður í bæ og glöddu augu okkar :)
Fuglatalning fór fram sunnudaginn 10. janúar og það voru Rúnar og Boggi sem sáu um hana að vanda, en ég sá hinsvegar um skýrsluna eins og alltaf og kom henni til skila að vanda !

Áramótin á Seyðisfirði

Við vorum bara 3 um áramótin að þessu sinni, en fórum í miðnæturkaffi til Birgis og Kristrúnar eins og við höfum gert í nokkur undanfarin ár. Áramótin voru bara friðsæl og veðrið þokkalegt og nýja árið heilsaði nokkuð vel og flestir bara bjartsýnir.

Draumarnir mínir um snjólítinn vetur til áramóta rættust svo sannarlega, þó aðeins kæmi smá jólasnjór í nokkra daga um hátíðarnar !

Þorsteinn Darri skírður og jólaveisla á Selfossi

Ég gleymdi að geta þess að hálfum mánuði fyrir jól flugum við suður til að taka þátt í skírn Þorsteins Darra Bergþórssonar og fór það allt vel fram eins og vænta mátti.

En áður en jólafríinu syðra lauk, skruppum við í heimsókn til Reynis bónda, því hann þurfti aðstoð við bilaða tölvu og síma, sem Siggi Birkir reddaði í hvelli. 

Síðan var okkur boðið í jólaveislu hjá Völlu og fjölskyldu, þar sem margmenni mætti og varla á bætandi að hafa okkur 7 til viðbótar, en þetta gekk bara allt saman vel.

Heimferðin var hinsvegar nokkuð skrautleg, því við lentum í hálku, stórhríð, rigningu og roki og loks rjómablíðu þegar við loksins komum austur á land, en þar voru vegir meira og minna skemmdir eftir vatnavexti og Fjarðarheiðin lokuð, en við fórum nú yfir hana samt slysalaust !

Jólin sunnan heiða !

Við drifum okkur tímanlega af stað á 2 bílum til að hafa pláss fyrir norsku fjölskylduna okkar, en Bergþór og fjölskylda voru með fullan bíl. Ferðin suður gekk vel í góðu veðri og Rúnar sótti Jóhönnu og co í flugið í Keflavík. Sjálf notaði ég tímann til að versla fyrir jólin og klára ýmislegt sem gera þurfti og koma okkur fyrir í bústaðnum. Ýmislegt vantaði sem við erum vön að hafa við hendina, en þetta bjargaðist og flestir voru duglegir að nota heita pottinn sem innan dyra á lokuðum pallinum. Einnig var mikið spilað og pússlað þessa hátíðisdaga, en veðrið gaf ekki tilefni til mikilla skoðunarferða um nágrennið....