Vegna óhagstæðrar veðurspár og ótta við næturfrost, þá tók ég þá ákvörðun að nota þessa helgi til að tína eins mikið af berjum og vinna úr þeim og kostur væri.
Á föstudaginn tókst mér að hirða stóran part af rifsberjunum í garðinum sem voru orðin rjóð og búa til hlaup í 7 krúsir. Í gær (22/8) var veðrið svo yndislegt að ég gat tínt heil ósköp af krækiberjum og bláberjum og er nú búin að sulta í samtals 13 bláberjakrúsir og stóran fullan pott af blandaðri hrásaft sem ég frysti í plastflöskum svo saftin verði eins og ný allan veturinn. Það er ekki amalegt að eiga nóg af þessu holla góðgæti þegar skammdegið hellist yfir :o)
1 comment:
Það er eins gott að við erum að fara að borða góðan kvöldmat hjónin. Þvílíkar kræsingar hér á myndum. Mikið öfunda ég þig af öllum þessum berjum. Kær kveðja Ásdís
Post a Comment